Lourenzá 25-4-17. Os atletas Aleix Díaz e Ainara Rguez. do Maderas Barcia Lourenzá, foron convocados pola Federación Galega de Atletismo para unha concentración de preparación dos relevos cadete de cara ó Campionato de España de autonomías.
A convocatoria está organizada a proposta do sector de velocidade da Federación e dirixida por José Carlos Tuñas Dugnol. Terá lugar o vindeiro sábado 29 de abril, nas pistas de atletismo Gregorio Pérez Rivera de Lugo, e celebrarase en dobre sesión de mañá e tarde, dende as 11 ata as 17 h. A xornada consistirá tanto en charlas técnicas como adestramentos en pista, ademáis dunha comida de equipo.