O concelleiro de Obras, Ramiro Fernández Rey, explicou que “estes días dan comezo as obras de mellora na rúa dos Matos. Este viario sufría moitas roturas das tubaxes, o que ocasionaba fugas e como consecuencia tiña repercusión na traída da auga. O que imos facer agora é un separativo de pluviais e residuais e garantir o subministro aos veciños e veciñas desa zona”.
O edil socialista sinalou que “estamos diante dunha reforma integral de toda esa rúa, á que se unirá tamén un asfaltado novo. O investimento que suporá será de 20.300 euros, financiados integramente por fondos municipais”.
Fernández Rey engadiu: “entendemos que con esta obra quedarán solucionadas fugas e as roturas que se producían nesa zona”.