Foz, 19 de maio de 2017. A aula CeMIT de Foz organiza un curso para aprender a utilizar os teléfonos móbiles smartphone que se desenvolverá do día 30 deste mes ao 6 de xuño. Será impartido por Carmen Seco.
A organización anunciou hoxe que “desde o día 30 de maio ata o 6 de xuño en horario de 18 a 19:30 horas realizaremos un curso para aprender a utilizar os móbiles smartphones na aula CeMIT sita na Casa da Xuventude. O obxectivo é coñecer o smartphone e controlar as súas funcións, sacarlle partido en base ás necesidades de cada persoa. Os participantes poderán traer os seus móbiles e aprender a configuralos, descargar aplicacións, coñecer as medidas de seguridade a seguir,… e poder controlar e gozar da tecnoloxía desde a súa man. Ás persoas que non teñan smartphone e desexen aprender todo isto deixarémoslles un para practicar sen medo. Partiremos do básico, así que calquera persoa sen coñecemento algún deste mundo pode participar”.
A inscrición pode realizarse presencialmente na Casa da Xuventude ou chamando ao teléfonos 982.13.30.37. As prazas son limitadas.