A Mariña domina no campionato provincial de xadrez

Foz 20-5-17. O Colexio Martínez Otero de Foz organizou e acolleu, o sábado día de 20 de maio, o campionato provincial escolar de xadrez, a través do seu programa XOGADE. Este certame reuniu aos mellores axedrecistas benxamíns, alevíns, infantís e cadetes da provincia. Sumando, así, un total de 130 xogadores que competiron nas diferentes categorías.
O evento desenvolveuse con absoluta normalidade e nel reinou o bo ambiente e o gran nivel de xogo amosado, onde dominaron os diferentes equipos da comarca da Mariña. Mercedes González (Concelleira de Asuntos Sociais, Xuventude e Deporte) e Manuel Otero (responsable do Servizo Provincial de Deportes de Lugo) acompañaron aos axedrecistas na entrega de medallas.
Deste xeito, os resultados acadados foron os seguintes:

BENXAMÍN FEMININO
1) Colexio O Pilar 2) Colexio Martínez Otero 3) Escola Luguesa
BENXAMÍN MASCULINO
1) Escola Luguesa 2) Reyes y Peones 3) Colexio Martínez Otero
ALEVÍN FEMININO
1) Colexio O Pilar 2) Colexio Martínez Otero 3) Colexio O Pilar
ALEVÍN MASCULINO
1) Colexio O Pilar 2) CEIP Nadela 3) Xadrez Forte
INFANTIL FEMININO
1) Escola Luguesa 2) Colexio Martínez Otero 3) Colexio O Pilar
INFANTIL MASCULINO
1) Escola Luguesa 2) Círculo Chantadino 3) Casa da Xuventude Viveiro
CADETE FEMININO
1) Colexio O Pilar
CADETE MASCULINO
1) Reyes y Peones 2) Colexio Martínez Otero