Álex Landim Correia, alumno de 1º de Bac e ex-alumno do IES Perdouro, recolleu o seu Premio ESO á superación e esforzo persoal

Burela 12-5-17. Álex Landim Correia, alumno de 1º de Bach e ex-alumno do IES Perdouro de Burela, foi recoller o pasado venres 21 de abril en Santiago de Compostela o seu Premio ESO á superación e esforzo persoal. (Estivo acompañado polo director do IES Perdouro, Santiago Pérez Docobo, e polos seus irmáns.)

Educación recoñece o rendemento académico e o esforzo persoal de 40 estudantes da ESO
O conselleiro de Cultura e Educación presidiu a entrega anual dos Premios Extraordinarios que valoran a capacidade de traballo e a perseveranza destes rapaces durante o curso pasado
Román Rodríguez subliña que estes galardóns son un “éxito colectivo” de familias, profesorado e alumnado

Un total de 40 estudantes de Educación Secundaria Obligatoria (ESO) foron recoñecidos cos Premios Extraordinarios de ESO ao rendemento académico e ao esforzo e superación persoal durante o pasado curso 2015/2016. Repartironse 20 premios ao rendemento académico e outros 20 ao esforzo e superación.

Álex Landim Correia está entre os 20 galardoados que merecen un especial recoñecemento pola dedicación e esforzo demostrado ao longo da etapa de Secundaria en superar as súas dificultades, ben de tipo persoal, educativas ou do contorno familiar e sociocultural. Os premios están dotados con 750 € e diploma acreditativo.