O cantautor Miro Casabella no concerto de “Son de Nós” en viveiro

Viveiro 28-5-17. O colectivo viveirés PENSAMENTO E SEMENTEIRA considera que “o concerto didáctico co que onte nos agasallou SondeNós vai ficar durante moito tempo na memoria das persoas que enchimos o salón de actos do Conservatorio Profesional de Música de Viveiro”.

Alí, entre outras pezas soou O meu país, a “fantasía ou recreación–así a presentou o director Plácido Travieso–desde o respecto, desta fermosa melodía de Miro Casabella” co texto de Xoán Manuel Casado.
E, como se pode comprobar na fotografía, tivemos un dobre agasallo: o partillar este concerto co cantautor Miro Casabella.

Neste concerto, por indicación do director de SondeNós -profesor do Conservatorio de Viveiro- cambiouse a disposición do escenario. E a verdade todo ficou moito ben.

O colectivo organizador do concerto dá as grazas a SondeNós por este fermoso agasallo de Música e Lingua, por esta Identidade.