Fernández Queipo informou que “dende o departamento de Cooperación cos Concellos, buscamos poñer á disposición dos municipios da provincia de Lugo toda a información para poder iniciar se é posible os procesos e trámites necesarios para poder facer efectivo dito gravame”.
“Compre subliñar que o Tribunal Supremo avalou recentemente diversas sentenzas para a aplicación dun canon municipal ás compañías que usan o espazo público dos Concello. Por exemplo, o Supremos aceptou as taxas que o Concello de Arteixo propuxo cobrar a estas compañías, segundo os metros cadrados que utilicen tanto no subsolo con canalizacións, como no aire, con tendidos eléctricos”.
Ditas sentenzas emitidas polo Supremo avalan o cálculo das tarifas da taxa de acordo cun estudo técnico-económico onde se empregan como criterios para obter o seu valor a suma do valor catastral do solo rústico con construcións co valor das instalacións, e a base impoñíbel é resultado de multiplicar ese valor do inmóbel ao coeficiente de relación co mercado e a ocupación en metro cadrado que corresponde a cada metro lineal. Así, a cota a pagar sitúase entre 3.000 euros e 12.000 euros por metro lineal no caso das instalacións de transporte eléctrico, segundo o tipo de tensión –baixa, media ou alta- e no que atinxe ás de transporte de gas, oscila entre os 500 e os 4.000 euros.