O “Heroes de Orzán” regresa á Coruña e A Mariña con novidades

Burela 31-5-17. A sexta edición do Memorial Heroes do Orzán regresa á axenda estival repetindo dobre sede, na Coruña e A Mariña, e con moitas novidades, en datas e categorías.

O Torneo de Fútbol Sala Base na honra dos policías Rodrigo Maseda Lozano, Javier López López e José Antonio Villamor Vázquez arrancará na cidade herculina, con competición entre o 15 e o 18 de xuño. Na segunda edición na Coruña, o Memorial volverá apostar polo deporte feminino, coas categorías Infantil e Cadete, e co debut de prebenxamín, benxamín, alevín e Special Olympics.

A tradicional sede da Mariña acollerá as categorías entre prebenxamín e xuvenil, con torneo entre o 28 de xuño e o 2 de xullo, en Burela, Foz, Cervo, Xove e Viveiro.

Inscrición aberta

O prazo de inscrición para a sede da Coruña estará aberto ata o martes 6 de xuño; para a competición da Mariña, os equipos interesados poderán reservar a súa praza ata o luns 12 de xuño.