A Comisión das Festas do Carme fai un chamamento á veciñanza buscando a súa colaboración para a confección da alfombra froral, “dado que este colectivo non dispón de tempo material nin persoal para a súa elaboración, polo que sen axuda resultaría imposible contar con este elemento distintivo e representativo da nosa Festa”. A alfombra elaboraríase na Praza do Lugar, durante o día 15 de xullo, para a procesión da patroa que terá lugar ás 21:00 horas. A Comisión encargaríase de facilitar todo o material necesario aos voluntarios. Os interesados poden chamar á Casa da Cultura de San Cibrao, ao teléfono 982.59.51.57