Segundo explican as monitoras “tratábase de que os máis pequenos desfrutaran dun paseo pola nosta costa, admiraran a preciosa paisaxe e aprendesen a usar as praias dunha forma respectuosa co medio ambiente. Polo que fixemos fincapé nos servicios que nos prestan as nosas praias: socorrismo, duchas, aseos… Recalcamos a necesidade de respectar ás bandeiras de baño e o seu significado. Polo paseo tamén nos fixamos na vexetación, e ensinámoslle a uña de gato, explicando o que significa ser unha planta invasora”.
E engaden que “outra das paradas foi en Cabo Burela, un dos cabos que máis sobresae do litoral e punto de referencia para os mariñeiros, onde vimos o monolito que sinaliza este punto. E como non, fixamos a nosa atención no Faro de Burela, un dos nosos símbolos, do que contamos un pouquiño a súa historia e utilidade para a xente do mar”.