Este mércores, o alumnado e profesorado da Escola Municipal de Música e Danza, de Ribadeo, realizou sendos concertos didácticos ao longo da mañá nos colexios Sagrado Corazón e Gregorio Sanz para o alumnado de primaria. As rapazas e rapaces tiveron oportunidade de achegarse e coñecer todas as especialidades instrumentais e de danza que se imparten no centro da man do alumnado e profesorado da EMMeD.
