Deu comezo en Ribadeo unha nova edición do programa “construíndo o verán”, que organiza a concellaría de servizos sociosanitarios. Quince nen@s reciben clases de reforzo escolar ata finais de agosto

Ribadeo, 11 de xullo de 2017. Arrincou hoxe, martes, unha nova edición de Construíndo o verán, o programa de reforzo escolar que organiza a Concellaría de Servizos Sociosanitarios e que se leva a cabo nas instalacións do edificio da Escola Oficial de Idiomas de Ribadeo, “que nos cedeu unha aula”, segundo explica Sonia Meilán.

A edil nacionalista sinala que “un equipo de dous voluntarias e a educadora familiar encargaranse de prestar un reforzo escolar durante a estación estival a uns quince nenos e nenas de primaria. Quero aproveitar para agradecer o traballo das voluntarias e animar a aquela xente que queira sumarse a colaborar con este proxecto a que o fagan, aínda están a tempo. Sen o traballo das voluntarios esta actividade non podería levarse adiante”.

Este reforzo escolar, que leva varios anos realizándose co impulso do Concello de Ribadeo, desenrolase dous días á semana. Será os martes e xoves de 10:30 a 12:00 horas durante os meses de xullo e agosto.