Site icon Crónica3.com A Mariña

O Concello de Cervo programou unha excursión de fin de curso para os nenos e as familias da escola infantil municipal

IMG-20170709-WA0023Cervo, 9 de xullo de 2017.- O Concello de Cervo programou para o día de hoxe a excusión de fin de curso da Escola Infantil Municipal.

En total 63 persoas, entre os nenos, as familias e as educadoras, formaron parte da expedición que partiu de San Ciprián contra as 10:30 horas da mañá, rumbo á Pastoriza, onde os pequenos e as familias “puideron gozar dunha xornada de convivencia ao aire libre e practicar a pesca no lago de Troitas Gavín, levandoos exemplares capturados logo para as súas casas, os que así o quixeran”.

Logo desta actividade, a comitiva disfrutou dun xantar ao aire libre no merendeiro de Fonmiñá, a base dun picnic elaborado polas propias familias.

A edil de Educación, Dolores Garcia Caramés sinalou “que foi unha xornada moi enriquecedora para todos, nenos, familias e persoal docente; e o mellor broche de ouro para esta tempada da Escola Infantil; un encontro que ademais serviu para fortalecer eses lazos de amizade entre os nenos fóra da súa tradicional contorna; experimentando novas actividades das que gozaron todos moitísimo”.

Exit mobile version