Os sendeiristas de Burela realizaron a etapa desde a praia de Esteiro en Xove ata a praia de Covas en Viveiro. Cun día gris, pero de agradable temperatura para practíca do sendeirismo, os corenta participantes gozaron deste precioso tramo de camiño natural. Atravesaron o centro histórico de Celeiro e todo o paseo marítimo ata a praia de destino, un total de 12 quilómetros. Finalizouse cunha comida campestre no parque de Covas.
