A I Marcha Cicloturista Concello de Lourenzá, en marcha

Lourenzá 25-8-17. O vindeiro día 10 de Setembro, as 9:30 h dará saída a 1º Ciclodeportiva de Lourenzá. Unha marcha ciclista de 79 km que recorrera as montañas que rodean o Val de Lourenzá. A subida a Lindín, A Cadeira, O Picato e o tramo final cronometrado dende Tovar novamente a Cadeira farán as delicias dos amantes deste deporte que día a día ve medrar os seus adictos na comarca Mariña.
O Clube Ciclista Viveiro e a Concellería de Deportes de Lourenzá, xuntan forzas para sacar adiante esta primeira edición dunha marcha que espera consolidarse no calendario da Federación Galega de Ciclismo.
O prezo é de 10 € para os ciclistas con licenza federativa, e de 26 € para os non federados que inclúe a licenza por un día. Ademais por 5 € mais en calquera dos dous casos, a inscrición inclúe un xantar o final da marcha para todo aquel que así o desexe, nas instalacións da Feira de Lourenzá.
A marcha terá o carácter de ciclodeportiva, outorgando trofeos aos mellores de cada categoría (Junior 15 a 17 anos), sénior (18 a 29 anos) máster-30 (30 a 39 anos), máster 40 (40 a 49 anos) e máster 50 (50 anos en adiante), na subida cronometrada a Tovar, que consta de case 4 km cun desnivel medio do 10%.
Inscripcións:
https://championchipnorte.com/evento/detalle/id/1262/i-marcha-cicloturista-concello-de-lourenza