A Mariña, 25 de agosto 2017. Galiza Nova de A Mariña organiza as primeiras xornadas “Veráns da Mariña Nova”, que terán lugar o domingo 27 de agosto. O obxectivo da organización xuvenil do BNG é achegar a tod@s @s asistentes a beleza e a historia da nosa comarca, neste caso centrándose en Mondoñedo, importante foco do galeguismo no Rexurdimento e na República. As mozas e os mozos de Galiza Nova achegarannos pequenas pinceladas da historia da capital da antiga provincia de Mondoñedo.
A xornada comenzará ás 11 da mañá con un Roteiro histórico-político pola cidade saindo da Alameda dos Remedios, continuando con visitas e intervencións relativas a San Rosendo, Leiras Pulpeiro, Álvaro Cunqueiro e Pardo de Cela, e visitando a Fonte de San Xoán, aFonte Vella a Praza da Catedral, o Casino, e o Cemiterio Vello.
Ás 14h terá lugar un xantar de confraternidade na Fervenza de Viloalle.
Ás 16:30h. Encontro na Oficina de Turismo para comezar a visita ás Covas do Rei Cintolo.
Ás 20h. Peche das xornadas na Praza da Catedral.