O Alcalde de Foz e o xefe da policía local entregaron á nena Carmela Fernández Calvo o premio como gañadora do concurso para elixir o logotipo do parque de educación viaria

O premio consistiu en material escolar valorado de 200 euros e a gañadora estivo acompañada no acto por familiares, amigos e representantes do CEIP O Cantel.
O rexedor municipal destacou o labor que se realiza no parque de educación viaria de Foz, que é a única instalación destas características que hai na Mariña e que a utilizan centros educativos de toda a zona.
O xefe da Policía Local explicou que o debuxo de Carmela Fernández Calvo será o logotipo do parque de educación viaria de Foz a partir de agora.