O xuvenil Luismi, con españa sub-17

Burela 18-8-17. O xuvenil do Pescados Rubén Burela FS Luismi Nieto Fraga fará as maletas esta fin de semana para desprazarse o domingo ata Las Rozas ante o chamamento da Selección Española Sub-17.

O porteiro laranxa forma parte da convocatoria de 14 xogadores que reunirá Venancio López na Cidade do Fútbol, xunto a promesas do Peña Real Madrid, Aljucer FS-ElPozo Murcia, Les Corts UBAE, UD Las Rozas Boadilla, Ciudad de Móstoles, FC Barcelona Lassa, Peña Barcelonista e CD Vedruna. A concentración, cunha semana de sesións, culminará o sábado 26 nun partido de adestramento fronte o Movistar Inter (19.00 horas).