Unha reunión na que, ademais de tratar os aspectos puramente deportivos, tamén se resolveron as axudas económicas directas que o Concello de Cervo ten asignadas a cada un dos diferentes clubs e que suman un total de 34.000 euros orzados anualmente.
As entidades son: S.D Candelaria, Club Deportivo San Ciprián, S.D Cervo Sargadelos, Club de Tiro con Arco ladovi, Club Medela MTB, Club de Tenis de Mesa San Ciprián e Club Limosa Surf.
A reunión serviu tamén para comezar a programar e coordinar as diferentes actividades deportivas que estes clubs, en colaboración co Concello, programarán nos vindeiros meses..
Villares apuntou que á marxe desta axuda directa, dende o Concello de Cervo “tentamos colaborar sempre en todo o que está na nosa man na organización dos diferentes eventos, con todos os medios materiais e humanos que temos a disposición.
O rexedor quixo dar as gracias aos diferentes Clubs pola súa entrega absoluta e altruísta “coa que conseguen encher de deporte, nas diferentes modalidades, o Concello de Cervo ao longo de todo o ano”.
Villares e Soto mantiveron un encontro cos representantes das diferentes entidades deportivas para comezar a planificar a vindeira tempada e facerlles entrega da axuda económica disposta para a organización dos diferentes eventos
