O centro é un punto de encontro para a mocidade da localidade de Viveiro e a súa contorna. Está dirixido a persoas de entre 9 e 35 anos e organiza unha variada programación de actividades ao longo do ano, como xadrez, informática, baile moderno, zumba, teatro ou manualidades plásticas. Por outra banda, o Espazo Xove tamén expide os diversos carnés dependentes da Dirección Xeral de Xuventude, Participación e Voluntariado: carné xove, alberguista, carné internacional de estudante ou carné internacional de profesor, e ofrece información sobre todos os programas desenvolvidos pola citada Dirección Xeral.
