A actividade, que foi organizada pola Concellaría de Sostibilidade e Medio Mariño, tivo que ser aprazada o pasado mes de xuño por mor da folga do transporte e finalmente realizouse na xornada deste 19 de setembro. O obxectivo, segundo Paz Ermida, “é que o alumnado vexa un pouco cómo debemos coidar o noso entorno e cómo debemos mantelo limpo durante todo o ano e non só durante a época estival”. Cos rapaces do colexio Gregorio Sanz estivo esta mañá nas Catedrais o alcalde, Fernando Suárez, acompañado do técnico de Medio Ambiente, Jaime Pérez. Estas actividades están incluídas dentro das programadas cos colexios desde as distintas áreas do Concello de Ribadeo. En xuño, por exemplo, escolares do Sagrado Corazón estiveron en Rinlo limpando a desembocadura do río.
