A IV edición das Carreiras Monte Comado, que se disputará esta fin de semana, os días 14 e 15 de outubro, mantén aberto o prazo de inscrición ata o 12. O proceso para adultos pode facerse a través da páxina web montecomado.galitiming.com. O prazo para as categorías infantís estará aberto ata o día da 14, podendo inscribirse na mesma zona de carreira. Haberá distintos percorridos adaptados ás necesidades de cada categoría facendo que todos os nenos e nenas gocen da sensación de correr un trail como os maiores. Os organizadores destacan a gran evolución que está a ter este evento, tanto en número de participantes como en patrocinadores e colaboradores, polo que queren transmitir o seu agradecemento a todos eles.
