Este luns 23, comezou o curso “Coñécete”, dirixido a nenos e nenas de 5º e 6º de Primaria. Está organizado pola Concellería de Servizos Sociais e Igualdade do Concello de Xove en colaboración co CEIP Pedro Caselles Rollán. Estase desenvolvendo nas aulas do propio Pedro Caselles, ten unha duración de 6 sesións en horario lectivo, centrándose na adquisición de coñecementos e habiliades para promover unha educación sexual axeitada e sa, mediante o fomento da autoestima e a comunicación, evitando estereotipos e condutas sexistas. Está impartido pola sexólaga Raquel Graña Fernández.