Lourenzá 4-10-17. Logo dos acontecementos que tiveron lugar este mércores, o Grupo Municipal Socialista no Concello de Lourenzá informa que:
1.- A Alcaldesa de Lourenzá, Rocío López, asumirá maña mesmo as funcións da Concellería de Deportes. A Rexedora mantivo durante a xornada de hoxe varios encontros co persoal técnico das escolas deportivas municipais e co equipo directivo para avanzarlles esta decisión.
2.- O Grupo Municipal do PSOE seguirá a desenvolver o proxecto socialista no Concello de Lourenzá, traballando en impulso da actividade deportiva e apoiando a todos os clubes do Concello, cumprindo, deste xeito, cos compromisos adquiridos cos veciños.
3.- Tras as decisións acertadas adoptadas no día de hoxe, o PSOE de Lourenzá garante que se reforzarán as actividades e actuacións en impulso ao tecido deportivo do Concello.