Dentro do programa de obradoiros e actividades de outono que ofertamos no Museo Provincial do Mar de San Cibrao hoxe, sábado 14 de outubro, levamos a cabo a actividade Museo, faro da comunidade. Participaron integrantes do noso Club Pequeamig@s que aprenderon as funcións que teñen os museos e, ademais, coñeceron a historia e utilidade dos faros marítimos. Para participar nestes obradoiros, como sempre totalmente gratuítos, só é necesario inscribirse no propio museo, chamar por teléfono ou a través do correo electrónico museodomar@museolugo.org.
