Vidal Baamonde subliñou que “colaboramos con este evento dentro da nosa aposta por potenciar cada un dos recursos dos nosos Concellos como un valor diferencial que nos converten nunha provincia única, que cambia de recuncho a recuncho, e que é capaz de ofrecer unha oferta turística totalmente diferente. Precisamente, esta é unha das liñas de traballo que define o primeiro Plan Estratéxico de Turismo na provincia, totalmente participativo, que fixemos dende o Goberno da Deputación, co obxectivo de xerar riqueza e dinamizar o emprego a través do turismo”.
A 19ª edición da Festa dos Cogomelos dará comezo a partir das 14:30 horas. Haberá un xantar popular composto por empanada de cogomelos, níscaros en salsa con arroz branco, boletus con carne, sobremesa, café e bebidas. Os tíckets, que terán un prezo de 15 euros, poderanse recoller ata o día 25 de outubro nos seguintes establecementos: Bar Petróleo, Bar Moncho e Bar Ares (Roupar), Bar O Paso (Candamil), Bar Doucello (Cabreiros), Bar Cristal e Bar O Porrás (Vilalba), Bar A Fervenza e Café Bar Daniel (As Pontes), Bar Pita e Bar Casal (Xermade), Restaurante Tino (Momán). Os menores de 12 anos terán entrada de balde. Tamén haberá sesión vermú e verbena co Dúo Trópico.