A Mariña benxamín, en plena preparación para o provincial

Burela 29-11-17. Mércores 29 de novembro. A Mariña Benxamín de Fútbol Sala xa se prepara para o Provincial de Seleccións Comarcais. Baixo a batuta de David Riveira, da ACD Xove, e Jesús Ares, de Castrelo FS, e coa coordinación da Fundación Imdecum, o combinado xa adestrou a fin de semana pasada no pavillón burelao de Monte Castelo. A próxima sesión está prevista para este domingo.
O municipal de Baamonde acollerá a cita o mércores 6 de decembro.

Liga A Mariña Lucense-Fundación Imdecum

As pequenas promesas futbolísticas da bisbarra tamén comezarán a competir a vindeira semana na Liga A Mariña Lucense-Fundación Imdecum, destinada ás categorías Prebenxamín e Biberón.
A Real Federación Galega de Fútbol asume a coordinación da liga que organizou nas últimas catro tempadas Imdecum. A AD Santiago de Foz e A Fuga ACD Xove fixéronse co título en Prebenxamín 1 e 2 respectivamente na Copa Prebenxamín da Mariña de 2016-17, que serviu de broche á Liga, co Maderas Barcia Lourenzá e AD Santiago de Foz como campións en Prebenxamín 1 e 2.