Bailando tamén nos movemos na defensa da sanidade pública

Viveiro a 24 de novembro de 2017. A Sanidade Pública da Mariña atópase nun momento crucial coa proposta dun cambio de modelo do mapa sanitario encamiñado cara á centralización das prestacións sanitarias en Lugo e cara á privatización.

Somos Unha Área Viveiro, coa colaboración do Concello de Viveiro e do Conservatorio Profesional de Música de Viveiro, organizan un baile concerto en defensa da Sanidade Pública. Unha iniciativa, na que serán protagonistas dous grupos locais, Labrax (pop-rock) e Auga Mariña (música de baile), para bailando tamén sensibilizar e defender o dereito a unha atención sanitaria de calidade e proximidade e rexeitar a reforma da Lei de Saúde que fai desaparecer a Área Sanitaria da Mariña.

Terá lugar este sábado día 25 de novembro ás 19,30 horas no Conservatorio de Viveiro.