Lugo 15-12-17. A Asociación Provincial de Empresarios de Hostalería e Turismo de Lugo (APEHL) únese ás reclamacións para que Viveiro teña sinalizacións na autovía do Cantábrico.
O presidente da APEHL, Cheché Real, amosou o seu apoio á iniciativa presentada no Parlamento polo deputado de En Marea, Miguel Anxo Fernán Vello, na que insta ao Ministerio de Fomento a poñer solución a esta necesidade.
Cheché Real subliñou que “é indignante que un pobo da categoría turística de Viveiro, que supón un importante peso económico e industrial para toda a provincia, non estea sinalizado na principal vía de comunicación do norte de Lugo”.