Lugo, 7 de decembro de 2017. A Deputada de Cultura, Deseño e Artesanía, Pilar García Porto; e a Concelleira de Benestar Social, Ana González Abelleira; e a Representante de ANADE en Galicia, Ángeles Fernández Maira; presentaron este xoves o VIII Premio Integración social 2017 que outorga a Fundación ANADE á Rede Museística da Deputación, pola súa labor a prol da integración e plena inclusión social que desempeña nos 4 museos da provincia. A gala de entrega de premios terá lugar o vindeiro 16 de decembro no Círculo das Artes da capital. Este galardón forma parte dos 5 recoñecementos que recibiu no último mes a Rede Museística pola súa importante labor social.
García Porto subliñou que “neste sentido, a Rede Museística da Deputación é un exemplo de implicación e colaboración cos diferentes colectivos de persoas con capacidades diferentes, así como un modelo de accesibilidade a todos os cidadáns en Galicia. Este novo recoñecemento da Fundación Anade é froito de todo o esforzo e labor que desempeñamos dende o Executivo Provincial, neste caso, a través da Rede Museística, pois a nosa filosofía de traballo está encamiñada en ser unha Deputación social e comprometida coas persoas”
A Deputada de Cultura destacou que “somos a única institución a nivel nacional que traballa co modelo da sociomuseoloxía. Este modelo de xestión pioneiro busca converter o museo nun elemento de dinamización e cohesión social, unha institución en permanente interacción, non só cos seus visitantes, senón tamén con todos os actores da sociedade, coproducindo con eles novas actuacións dirixidas á procura dun futuro máis sostible”.
García Porto explicou que os 5 recoñecementos que recibiu o Goberno da Deputación pola súa defensa dos dereitos das persoas son: Fundación Anade, pola integración social 2017, por todos os proxectos en defensa da plena inclusión; foron incluídos no Banco Galego de Boas Prácticas en Xestión Cultural polo plan de inclusión que temos en marcha na Rede Museística; o proxecto Nos+utrxs en Rede recibiu a mención de honra no Premio Iberoamericano de Educación e Museos, polo seu papel en prol da igualdade de xénero; así mesmo, o proxecto Guerrilla de palabras: o oficio de palabreiro é unha das dúas iniciativas internacionais seleccionadas por Ibermuseos para desenvolver no próximo ano; e, finalmente, o MINOM recoñeceu a labor social da Deputación elixíndoa a nivel mundial para custodiar o seu arquivo documental.
“Estas políticas sociais que lidera e promove o Presidente da Deputación non só se levan a cabo dende o departamento de Benestar, pois dende distintas áreas como Emprego, Cultura, Deporte ou Turismo traballamos para a integración de calquera colectivo en risco de exclusión social e laboral”, apuntou a Deputada.
Ana González Abelleira recoñeceu a labor do Goberno Provincial por facer a provincia “máis integradora” e agradece a labor de ANADE “que nos permite coñecer dende as administración públicas a enorme labor social que desempeñades na provincia, co fin de conseguir unha plena integración”.
Colaboracións co colectivo
O Executivo Provincial colabora coa Fundación ANADE cunha achega económica de 1.000 euros para a celebración de cursos de formación de teatro durante todo o ano e a través da programación Buxiganga Teatro. O Concello de Lugo cede o espazo do Centro Sociocultural de Fingoi para o desenvolvemento destes obradoiros. En total son 14 veciños da provincia con algún tipo de discapacidade ou enfermidade mental os que participan nestes cursos de artes escénicas impartido por monitores e profesionais da interpretación. Nel realizan exercicios de axilidade, movemento, confección de roupa ou de voz, entre outros moitos.
Fundación Anade
A Fundación Anade é unha asociación sen ánimo de lucro que ten como obxectivo a integración social e laboral das persoas con discapacidade ou enfermidade mental. Promove e realiza actividades encamiñadas a este fin, a través da arte e a creatividade. A arte e a creatividade é o medio máis eficaz para que este colectivo desenvólvase integramente como persoas e expresen as súas opinións sobre a sociedade na que viven. A través destas actividades e proxectos informan á sociedade e fomentan un mellor coñecemento e intercambio de experiencias entre as diferentes persoas e colectivos que integran a comunidade.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
