Campos Conde subliñou “dende o Goberno da Deputación apostamos pola recuperación e posta en valor da cultura tradicional galega, co fin de preservar a identidade que temos como pobo. É por iso polo que decidimos pór en marcha este obradoiro, converténdonos na primeira administración pública española que ofrece a profesionais do sector formación gratuíta sobre a construción de instrumentos medievais”.
O Presidente de Deputación e a Deputada de Cultura, Artesanía e deseño, visitaron as instalacións do taller para coñecer de primeira man o traballo destes cinco profesionais, os cales acudiron dende toda Galicia a este obradoiro, coordinado por Luciano Pérez. Un traballo que partía de viñetas medievais e que precisou da recreación do deseño da viola oval, para poder ser interpretado na actualidade.
Xermán Arias
Xerman Arias, nacido en Barbadelo (Sarria), comezou a súa formación no taller de instrumentos musicais da Deputación de Lugo en 1986, baixo a dirección de Luciano Pérez. No ano 1994, fundou o seu primeiro taller. Finalizados os seus estudos, viaxou a Francia para traballar co prestixioso Christian Rault e formarse como luthier na construción e reparación de instrumentos de corda friccionada.