Pistoletazo de saída para as ligas biberón e prebenxamín A Mariña lucense-Fundación Imdecum

Burela, Mércores 13 de decembro. As promesas do futsal con máis ilusión da bisbarra estrearanse esta fin de semana en competición co pistoletazo de saída para as Ligas Biberón Galicia e Local Galicia Prebenxamín A Mariña Lucense-Fundación Imdecum, baixo a organización da Real Federación Galega de Fútbol.

A Biberón (nados/as 2012-13) enfrontará na primeira xornada a Pescados Rubén Burela FS-ED Lourenzá e Escolas Celeiro Xove FS-ACD Xove. A liga pecharase o 14 de abril, tras 6 xornadas disputadas.

A Prebenxamín (nados 2010-11), con AD Santiago de Foz A e B, ACD Xove, Pescados Rubén Burela FS, Playas de Barreiros A e B e ED Lourenzá, prolongarase ata o 21 de abril, con 14 xornadas.

A RFGF asume en 2017-18 a coordinación da liga que organizou nas últimas catro tempadas Imdecum. A AD Santiago de Foz e A Fuga ACD Xove fixéronse co título en Prebenxamín 1 e 2 respectivamente na Copa Prebenxamín da Mariña de 2016-17, que serviu de broche á Liga, co Maderas Barcia Lourenzá e AD Santiago de Foz como campións en Prebenxamín 1 e 2.