RadioVoz realizará este martes 26, un programa especial en directo desde Foz dedicado ao nadal no municipio . Escoitarase a través de todas as emisoras desta cadea na provincia

Foz, 23 de decembro de 2017. RadioVoz realizará o vindeiro martes, día 26, un programa especial en directo desde Foz dedicado ao Nadal no municipio focense. Escoitarase a través de todas as emisoras desta cadea na provincia lucense: Lugo, Ribadeo, Viveiro, Vilalba, Sarria, Monforte e Chantada.
O programa emitirase de 10 a 12 da mañá desde a recentemente remodelada Avenida da Mariña, concretamente desde o Restaurante Cafetería Confitería Xoyma, e será dirixido e presentado por Félix Jorquera.
Entre os invitados que participarán neste espazo radiofónico estarán o alcalde de Foz, Javier Jorge Castiñeira; o cronista oficial do municipio, Suso Fernández; e o presidente da Asociación de Comerciantes, Industriais e Autónomos-Centro Comercial Aberto, José Carlos Paleo.