María José Nistal Díaz incorpórase como Xefa da área técnica do servizo de emerxencias da Delegación territorial da Xunta

O delegado territorial da Xunta, José Manuel Balseiro, mantivo este xoves xuntanza con María José Nistal Díaz, que tomou posesión como xefa da área técnica do Servizo de Emerxencias da Delegación Territorial da Xunta en Lugo. Nesta toma de contacto participou tamén José Manuel Rozas, xefe territorial da Consellería de Presidencia, Administracións Públicas e Xustiza, o departamento do que depende o servizo.
María José Nistal é funcionaria da Administración Local, da que procede e na que traballou durante os últimos 17 anos, en concreto, no Concello de Cervo. Dende o ano 2007 é funcionaria de carreira.