En Foz, a 12 de Xaneiro de 2018. O Grupo Municipal de Foz Plataforma de Futuro, Luís Alfonso Sixto Legaspi, Juan Luís González Riveiro e María Peña Rubiños Fernández a través do seu voceiro Luís Alfonso Sixto Legaspi presenta para o seu debate e aprobación no pleno deste Concello a seguinte moción:
EXPOSICIÓN DE MOTIVOS
En Foz, na actualidade non contamos con auditorio municipal. Soamente contamos co salón de actos da Casa de la Cultura, salón de actos do Cenima e Sala Bahía para realizar eventos culturais e de calquera outro tipo, nos que en innumerables ocasións polo seu reducido aforo quedáronse pequenos, impedindo a moitísima xente poder desfrutar de actividades, representacións e concertos.
Dentro do noso Concello temos innumerables asociacións culturais que nos veñen reclamando unhas mellores instalacións para realizar as súas actuacións, e estamos vendo como por exemplo, ultimamente a banda de musica fai os seus concertos na igrexa porque ten mellor acústica que os locais anteriormente citados.
Polas características coas que foron construídas ou reformadas temos que ter en conta que é un salón de actos, a acústica e as prestacións técnicas coas que os profesionais teñen que desenrolar as súas actuacións impiden que se poida desfrutar todo o que se debería nun auditorio deseñado y construído con todas as características técnicas necesarias, sen esquecer o escaso numero de persoas que poden asistir, así mesmo, comentar tamén, que numerosas actuacións non veñen ó noso pobo por non ter un auditorio como tal, e cunha capacidade mínima.
Creemos necesario que os veciños de Foz e inclusive da Mariña poidan contar cun Auditorio de titularidade municipal, deseñado técnica y esteticamente como tal, cun aforo mais que suficiente para que a todos los actos que se poidan y se deban celebrar no noso pobo poidan asistir todos os veciños que o desexen y poida desfrutar coa maior comodidade e calidade posible.
Somos coñecedores que había feito un proxecto xa na Xunta de Galicia para a construción deste auditorio, estamos falando de fai xa 10 anos, que iría ubicado na explanada portuaria ó lado da piscina municipal.
Estamos convencidos, de que todas as infraestruturas necesarias para Foz, teñen que ser una realidade o antes posible e que un auditorio municipal, coas características adecuadas é unha delas.
Somos conscientes que todos os Concellos non poden dispor dun auditorio, pero pola situación estratéxica de Foz, estamos convencidos de que sería o sitio ideal para a construción dun auditorio pensando para toda a mariña.
Tamén estamos convencidos de que un proxecto de esta índole ten que ser levado a cabo por toda a Corporación Municipal de forma consensuada y sen divisións que poidan prexudicar o desenrolo e os prazos de execución de este proxecto.
O que “Foz, Plataforma de Futuro” levamos nestes momentos a Pleno é algo que hai que recordar levávamos no noso programa electoral cando nos presentamos ás eleccións municipais de 2015.
Por todo o anteriormente exposto propoñemos á Corporación Municipal a aprobación dos seguintes acordos:
1- Solicitar ó equipo de Goberno, a que faga as xestións necesarias co resto de administracións públicas, Xunta de Galicia, Deputación Provincial e Goberno do Estado, para conseguir o financiamento para a construción dun Auditorio no Concello de Foz