“Presentamos un programa de unidade, de ilusión, unha alternativa que sirva como conexión de tódalas sensibilidades do partido. Precisamos unha agrupación forte, que traballe de forma estreita para defender a tódolos veciños, nunha etapa como a que estamos de pérdida de dereitos e de dificultades, de catastrazos e dedazos”.
Chema Linares e Fran Cajoto invitan a tódolos que se queiran sumar e aportar o seu talento e capacidades neste novo proxecto socialista: “precisamos a todos, contamos con todos, todo o mundo pode aportar segundo a súa propia experiencia. Agardamos cos brazos abertos a calquera persoa que queira traballar con nosoutros por esta alternativa agora e no futuro: é fundamental que a xente xove, sobradamente preparada, aporte a súa visión e ideas”.
