Esta afirmación, feita onte polos populares, derívase do rogo que o mesmo Grupo fixo no pleno celebrado hai tres semanas. Concretamente, “nesa sesión pedimos o cambio das imaxes porque están irrecoñecibles, e o alcalde respostou que se retirarían de inmediato. Pois ben, as fotos seguen no seu sitio; o que en realidade non sorprende, vendo a tardanza na toma de decisións do socialista e dos seus concelleiros, ou vendo as chapuzas que se fan para tentar solucionar determinados problemas”, remarcan.
Desde o PP consideran que “a presenza do que no seu día foron fotos é prexudicial para a imaxe do alcalde e dos concelleiros de Turismo e Mar, pero é moito máis prexudicial para a imaxe de Burela como referente turístico”. A este respecto, indican: “que o alcalde non é un namorado do traballo, xa o sabemos; pero o que non queremos é que con ese xeito de actuar prexudique ao noso concello”. Por iso, pídenlle que “as retire de inmediato”, tal e como dixo durante a sesión plenaria celebrada hai quince días, porque as fotos no estado actual “perxudican a imaxe da vila”.
Os populares finalizan apuntando que, “cada día que as vemos, dámonos conta de que a mesma imaxe das fotos, a nada, porque non se ve nada, é a imaxe do labor feito ata o de agora polos socialistas: nada”.
Sinalización errónea e actuacións na rúa do Río
Os edís do PP tamén critican a deficiente e errónea sinalización con motivo dunha actuación na intersección de Arcadio Pardiñas coa rúa do Río. “Somos conscientes de que unha obra, por pequena que sexa, xera problemas, pero o Concello ten a obriga de garantir unha información da sinalización das actuacións correcta e que non xenere equívocos”, apuntan.
Desde o Grupo Municipal indican que, “neste caso, colócase un cartel (por certo, sen membrete nin selo do Concello) no que se indica a prohibición de acceso á rúa do Río dende Arcadio Pardiñas, sinalando que o acceso será dende a rúa da Fontela. Pero ao dirixirnos á intersección rúa da Fontela/rúa do Río, vemos como o sinal de dirección prohibida existente na intersección non está tapada, co que, en definitiva, o Concello está a impedir ó acceso á rúa do Río, como puidemos comprobar onte pola mañá”, explican
Dende o PP aseguran que “todas estas deficientes actuacións que afectan ao día a día demostran a incapacidade política do alcalde e do seu equipo, e o desdén e a deixadez por facer as cousas co mínimo rigor e seriedade”, conclúen.