Centos de veciños e veciñas desta comarca desprazáronse en 10 autobuses e coches particulares ata a capital de Galicia para acudir a esta movilización reivindicativa. O rexedor burelés e presidente da Mancomunidade de Municipios da Mariña, Alfredo Llano, dixo que “hoxe púxose de manifesto, unha vez máis, que os veciños e as veciñas desta comarca non están de acordo coa política sanitaria do PP”. E insistiu en que “a supresión da área sanitaria da Mariña é un retroceso absoluto e supón unha perda dos dereitos adquiridos ao longo dos anos. Seguiremos loitando por unha sanidade pública, universal e gratuíta para todos e todas”.
