A primeira charla médica do novo ciclo que organiza a Concellería de Sanidade de Burela será o 21 de marzo (mércores) ás 20 horas na antiga biblioteca. Versará sobre Medicina deportiva, lesións máis frecuentes na práctica do deporte afeccionado e será impartida por Javier Couce, médico de urxencias no Hospital da Costa. En abril abordarase o alzheimer e todo o que rodea a esta enfermidade e en maio falarase do coidado das persoas maiores.