Mondoñedo, 16 de marzo de 2018.- A alcaldesa de Mondoñedo, Elena Candia, asiste mañá, sábado 17 de marzo, a Ferrol a un acto institucional durante o que se renovarán os lados de irmandade entre os dous concellos coincidindo coa celebración do Día das Pepitas, festa maior das tradicionais rondallas ferrolás.
Elena Candia e o alcalde de Ferrol, Jorge Suárez, presidirán este acto institucional que se celebrará ás 16.30 horas no Teatro Jofre, durante o que os dous rexedores pronunciarán os seus respectivos discursos. Ademais, no marco deste acto celebrarase a tradicional entrega de ramos de flores ás madriñas das rondallas, deste xeito, Mondoñedo e Ferrol renderanlle homenaxe aos rondallistas.
Xa pola tarde, a partir das 20.00 horas, os membros da corporación de Mondoñedo asistirán ao Festival das Rondallas, que se celebrará na Praza do Marqués de Amboage de Ferrol.