Aleix acadara a marca mínima para poder acceder ó campionato o pasado sábado no Campionato Galego e ata a cidade catalana se desprazou coa intención de seguir acumulando experiencias e participar por primeira vez nun Campionato de España a nivel individual. O ribadense chegaba coa 18ª mellor marca dos participantes nos 300 m.l., po-lo que o acceso á final estaba moi complicado.
Na tarde do sábado era o turno das semifinales, onde se clasificaban os primeiros de cada serie e as duas mellores marcas para a final. Aleix participou na 2ª serie entrando en meta na 4ª posición désta cun tempo de 38.15 seg., rebaixando a sua mellor marca anterior que estaba en 38.38 seg. Esta mellora sustancial levouno a acada-la 10ª posición da xeral e sobre todo, a consegui-la marca que lle dá dereito a participar no Campionato de España de aire libre que se celebrará en Castellón (Comunidade Valenciana) o 30 de xuño e o 1 de xullo.
Un gran resultado para Aleix na súa primeira participación nun campionato deste nivel.