O Deputado de Cooperación cos Concellos e Medio Ambiente, Argelio Fernández Queipo, participou este mércores nunha reunión con técnicos provinciais e membros da Garda Civil e a Policía Autonómica, para abordar a organización dun ciclo formativo sobre a tenencia responsable de animais e os aspectos da nova Lei 4/2017 de protección e benestar dos animais de compañía en Galicia. Estes coloquios, organizados polo Goberno Provincial, organizaranase durante os meses de abril e maio por toda a provincia de Lugo, co obxectivo de concienciar á cidadanía sobre a necesidade dunha correcta identificación dos animais e abordar as problemáticas existentes ao respecto.
