No IES de Foz tivo lugar a entrega de premios do Concurso de receitas de petiscos organizado polo Equipo de Normalización e Dinamización Lingüística do centro en colaboración co Departamento de Hostalaría. O gañador foi Iván Varela, alumno do segundo curso de Dirección de Cociña. Os organizadores explicaron que “a convocatoria buscaba un xeito de representar no gastronómico a pluralidade cultural, poñer en valor o produto local e de tempada, promover o uso do idioma galego nas receitas e visibilizar a creatividade e talento culinario do alumnado de Hostalaría do centro. O xurado do concurso, que agradece a participación, en especial a Laura Naveira Pérez, decidiu por unanimidade premiar o excelente traballo, chamado Canelón de filloa e lacón con escuma de queixo Arzúa-Ulloa e pasto de verza do alumno, de 2º DIRCO Iván Varela. Moitos parabéns”.
