Burela, 21 de marzo de 2018. Suplusa fará un estudio para desenvolver o polígono industrial do Perdouro. Hoxe o seu presidente, Manuel Martínez, acompañado de varios técnicos, mantivo unha xuntanza en Burela co alcalde, Alfredo Llano, e co concelleiro de Obras, Ramiro Fernández.
O rexedor explicou que “desde o Concello tiñamos solicitado esta xuntanza, e hoxe viñeron a Burela o presidente de Suplusa, Manuel Martínez, acompañado de técnicos deste servizo. Queríamos que visitaran o polígono industrial do Perdouro, que xa está contemplado no Plan Xeral. Xa tivéramos varias conversacións con eles en Lugo para ver como realizar o desenvolvemento cunha planificación boa das posibilidades que temos no polígono industrial”.
Llano dixo que “hai 150.000 metros cadrados dispoñibles para este polígono, dos cales se poden edificar 75.000, que se poden destinar para naves industriais ou instalacións. O resto sería para outro tipo de cuestións. Parécenos que é unha boa posibilidade para poder facilitar que se instalen naves industriais nese polígono”.
O alcalde burelés contou que “se comprometeron desde Suplusa a facer un estudio e mirar a mellor maneira de colocar as naves, en qué sitios irían ben situadas para que o resultado sexa o mellor posible porque hai unha inclinación e verticalidade nalgunha parte dos terreos. Polo tanto o primeiro que van facer é un levantamento topográfico e a partir de aí buscarán a mellor solución para desenvolver este polígono industrial. Unha vez que estea feito o estudio dirannos incluso a qué prezo pode saír o metro cadrado das parcelas onde se poderán situar as naves. Unha vez que sabiamos iso procuraremos darlle para diante e facilitar que o polígono industrial do Perdouro se vaia consolidando”.
Alfredo Llano lembrou que “ata o de agora había un estudio derivado do Plan Xeral, pero tiña unhas condicións que agora mesmo parece que non son as máis idóneas e por tanto vaise facer este novo estudio, adaptado ás circunstancias actuais”.
E subliñou: “queremos darlle saída a moita xente que está esperando a ocasión para poder instalarse alí”.
Suplusa realizará un estudio para desenvolver o Polígono Industrial do Perdouro. Manuel Martínez, o seu presidente, reuníuse en Burela co Alcalde e co concelleiro de obras
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
