Durante a presentación do campionato, estivo presente a alcaldesa de Mondoñedo, Elena Candia, o concelleiro de Deportes, Manolo Tapia, o xefe provincial do servizo de Deportes, Manuel Otero, entre outros, acompañados do delegado territorial da Xunta.
Programa xogade
Esta iniciativa forma parte do programa Xogade, impulsado pola Xunta de Galicia, a través da Secretaría Xeral para o Deporte, en colaboración coas federacións deportivas galegas e as agrupacións deportivas escolares, ademais dos concellos que serven de anfitrións das distintas probas.
En Xogade conviven 26 modalidades deportivas diferentes e todas elas con gran éxito de participación e mobilización. De feito, tan só na provincia da Lugo participaron no curso 2016-2017 un total de 16.500 escolares, o que supuxo un investimento autonómico no deporte de base de preto de 367.000 euros en concepto de organización, seguros e transporte.
Balseiro lembrou que o programa Xogade busca asegurar o acceso ao deporte de todos os escolares. “En resume, cos nosos mozos e mozas medren con hábitos de vida saudables e con xogos que afiancen os valores do deporte, como o sentido do esforzo, do respecto ou da xustiza”-concluíu.