Dende o Concello de Mondoñedo nos sumamos a celebrar o día de Europa, neste caso a través da música, coa interpretación do himno de Europa, o himno da Alegría, un dos catro símbolos oficiais da Unión Europea, que este mércores 9 de maio ás 12.00h. na Praza do Concello de Mondoñedo, interpretarán conxuntamente a Escola Municipal de Música de Mondoñedo xunto ao CEIP Álvaro Cunqueiro o IES San Rosendo e o Centro Asistencial San pablo e San lázaro. É necesario que os máis novos coñezan na conmemoración deste día os valores europeos que foron quen de construir todas as nacións do vello continente: dignidade humana, liberdade, democracia, igualdade, Estado de Dereito e respecto polos dereitos humanos. Deste xeito, Mondoñedo e a través da música, queremos amosar o noso lado máis europeísta.