Viveiro 30-5-18. O Concello de Viveiro celebrou no día de hoxe a Mesa de Contratación para licitación das obras que se relacionan a continuación:
Reposición e mellora do firme nas rúas denominadas Rego das Frores, Alonso Pérez e Jesús Noya no núcleo urbano de Viveiro (Lugo), cun orzamento de contrata de 57.632,46€ e cun prazo de execución de 1 mes.
As obras que se pretenden acometer no presente proxecto consisten en:
•Acondicionamento dos tres viais, co obxecto de facilitar a circulación rodada dos mesmos, mediante o reforzo do firme existente
•Obras de albañilería necesarias para elevar as tapas de rexistro dos pozos, sumidoiros, etc. Existentes.
Das catro empresas presentadas a este procedemento resultou proposta como adxudicataria a empresa Desarrollos y Metas, S.L. por un prezo ofertado de 45.617,00€.
Reposición de firme e rexeneración de isletas existentes fronte á zona escolar da rúa Martín Ledesma – Viveiro, cun orzamento de contrata de 97.367,54€ e cun prazo de execución de 1 mes.
As actuacións que se pretende realizar no presente proxecto consiste en:
•Acondicionamento da superestructura de dito vial, ao obxecto de facilitar a circulación rodada dos vehículos.
•Acondicionamento das isletas existentes fronte ao edificio da Cruz Vermella, reemplazando o actual bordillo de formigón que as delimita e colocando un novo de granito; así mesmo acondicionarase a zona verde existente no interior das mesmas, dotándoas de rede de rego automático.
•Disporanse dous pasos de peóns elevados dende o paseo marítimo ata os colexios.
•Saneado de sumidoiros e canalización das augas pluviais existentes, substituíndo elementos deteriorados.
Das cinco empresas presentadas a este procedemento resultou proposta como adxudicataria a empresa Carferlo, S.L. por un prezo ofertado de 68.123,00€.
Estas dúas actuacións están subvencionadas integramente pola Deputación Provincial de Lugo, mediante un Convenio formalizado entre a Deputación de Lugo e o Concello de Viveiro para a execución dos referidos fins comúns.