“É a primeira vez o Goberno da Deputación participa neste evento cun stand co que promovemos todos os atractivos da Costa Lucense, facendo fincapé na cultura artesanal do litoral, e levamos unha demostración en vivo de zocas da man do artista, Alberto Geada”, sinalou o Deputado.
Vidal Baamonde explicou “que o Executivo Provincial ofrece en Pasaia a todos os visitantes información dos catro xeodestinos da provincia a través de folletos, proxección de vídeos e fotografías, ademais dunha colección de artesanía con motivos mariñeiros falicitada polo CENTRAD. E tamén damos a coñecer eventos como o Arde Lucus, o Resurrection Fest e por suposto a nosa gastronomía coa APEHL, coa presentación da súa guia gastronómica”.
O Deputado lembrou tamén que o Goberno da Deputación “aposta por impulsar os atractivos da nosa provincia en feiras, festivais e cita turísticas referentes,como por exemplo FITUR, EXPOURENSE ou Termatalia, por citar algúns eventos”.
Culturmar
Este Festival de Pasaia, pretende ser herdeiro do encontro de Artes e Embarcacións tradicionais de Galicia, e a Deputación participa nel, a través de Culturmar (Federación Galega pola Cultura Marítima e Fluvial), que tamén está presente neste evento, ademais do Ecomuseo de Arxeriz.