O grupo tradicional Marbadás, pertencente á Escola Municipal de Música e Danza de Ribadeo, actuará o 19 de maio en Ponferrada. Alí estarán tamén os rapaces de Illa Pancha

Esta agrupación, de recente creación, participará na Gandaina Urbana, organizada pola Asociación Cultural Abelladeira. Ao longo da mañá desfilarán polas rúas do casco antigo de Ponferrada e xa na tarde actuarán na Praza do Concello xunto á Banda de Gaitas anfitrioa. Unha vez rematada esta parte do evento, dará comezo o Baile do Candil, no que diferentes agrupacións realizarán pequenas intervencións para amenizar o baile. Nesta ocasión o tamén grupo ribadense Illa Pancha será o encargado de representar á nosa vila.