Site icon Crónica3.com A Mariña

Participación de Brais Díaz no campionato galego sub14 de Clubs de atletismo.

Ribadeo 14-5-18. O atleta ribadense Brais Díaz Salas participou este sábado 12 no Campión galego sub14 de clubs representando á Escuela Atlética lucense.

Brais participou en duas probas cuns resultados mellor dos esperados tendo en conta que é un atleta infantil de primeiro ano.

Na proba de lanzamento de peso, Brais acadou a 7ª posición de 16 particpantes, con 7.66, 7.15 e 7.75 m. nos respectivos lanzamentos. Con esto melloraría a sua mellor marca en 44 centímetros.

Pouco tempo máis tarde era o turno do lanzamento de martelo, a segunda vez que participaba nesta disciplina. Brais acadou a 8ª praza cuns lanzamentos de 18.67, 18.68 e 19.20 m. nos seus tres respectivos lanzamentos, superando en case 4 m. o seu mellor rexistro.

Con esto, Brais contribuiu con 19 puntos ó 5º posto do seu equipo sobre un total de 16 clubs participantes.

O campionato foi gañado po-lo Celta de Vigo, seguido de CA Millaraio de Santiago e o ADAS Proinor do Barco de Valdeorras.

Para o domingo 20 será o turno de Brais no Campionato provincial, onde está clasificado para os lanzamentos de peso, martelo e xavalina.

Po-la sua parte Aleix competirá este próximo xoves 17 de maio no Campionato Galego de relevos, que se celebra nas pistas de atletismo do campus universitario de Ourense.

Exit mobile version